कमी पाऊस आणि खालावलेली पाणीपातळी यामुळे मराठवाड्यातील पिकांच्या स्थितीचा आढावा घेण्यासाठी एका केंद्रीय पथकाने शेतशिवारांना भेट दिली. या उच्चस्तरीय शिष्टमंडळाने दुष्काळग्रस्त भागातील शेतांची पाहणी करून स्थानिक शेतकऱ्यांशी संवाद साधला. पावसाच्या खंडामुळे झालेल्या खरिपाच्या नुकसानाची पाहणी करून हे पथक केंद्र सरकारला अहवाल सादर करणार असून त्यामुळे शेतकऱ्यांना तातडीने मदत मिळण्याचा मार्ग सुकर होईल असा अंदाज वर्तवला जात आहे.