नांदेड जिल्ह्यात मान्सूनच्या पावसाने ऐन बहराच्या काळात दीर्घ खंड दिल्याने कपाशीचे पीक पूर्णपणे सुकून गेले. बोंडे न लागल्याने आणि औषध फवारणीचा खर्चही न निघाल्याने संतप्त शेतकऱ्याने उभ्या पिकावर नांगर फिरवत तीन एकरांतील कपाशी उपटून फेकली. उत्पादन खर्च निघण्याची कोणतीही शक्यता उरली नसल्याने मराठवाड्यातील कापूस उत्पादक शेतकऱ्यांना तात्काळ हेक्टरी कोरडवाहू नुकसानभरपाई देण्याची मागणी जोर धरत आहे.