महाराष्ट्र शासनाच्या महत्त्वाकांक्षी नमो शेतकरी महासन्मान निधी योजनेच्या पुढील हप्त्यासाठी १,९०० कोटी रुपयांहून अधिक निधीच्या वितरणाला प्रशासकीय मंजुरी मिळाली आहे. या निर्णयामुळे राज्यातील पात्र ९० लाखांपेक्षा अधिक अल्प व अत्यल्प भूधारक शेतकऱ्यांच्या बँक खात्यावर थेट २,००० रुपयांची रक्कम वर्ग होणार आहे. पीएम किसान योजनेच्या जोडीला हा निधी मिळणार असल्याने रब्बी हंगामात खते आणि बियाणे खरेदीसाठी शेतकऱ्यांना मोठा आर्थिक आधार मिळणार आहे.