जळगाव आणि लगतच्या खान्देश पट्ट्यात रब्बी हंगामातील हरभरा पेरणीला वेग आला आहे. यंदा जमिनीत पुरेसा ओलावा असल्याने शेतकऱ्यांनी दिग्विजय, फुले विक्रम आणि विशाल या अधिक उत्पादन देणाऱ्या आणि मर रोगाला प्रतिकारक असणाऱ्या सुधारित वाणांना पसंती दिली आहे. पेरणीपूर्वी ट्रायकोडर्मा आणि रायझोबियम जिवाणू संवर्धकाची बीजप्रक्रिया केल्यास रोगांचे नियंत्रण होऊन उत्पादनात १५ ते २० टक्के वाढ होते, असा सल्ला कृषी विज्ञान केंद्राच्या तज्ज्ञांनी दिला आहे.