नांदेड जिल्ह्यातील भाऊराव चव्हाण सहकारी साखर कारखान्याबाहेर ऊस उत्पादक शेतकऱ्यांनी आक्रमक पवित्रा घेत जोरदार निदर्शने केली. यंदाच्या गळीत हंगामासाठी उसाला प्रतिटन ४ हजार रुपयांची पहिली उचल मिळावी आणि वजन काट्यावरील कथित गैरप्रकार थांबवावेत, अशी प्रमुख मागणी आंदोलनकर्त्यांनी लावून धरली आहे. व्यवस्थापनाने मागण्या मान्य न केल्यास १० हजार शेतकऱ्यांना सोबत घेऊन तीव्र महाआंदोलन छेडण्याचा इशारा शेतकरी प्रतिनिधींनी दिला आहे.